1Durchleüchtiger Cuhrfürst, herzallerliebster herr vatter 2Ich sage ewer Durchlaucht vnterdehnigsten dankh vohr bede dero gnädigen schreiben vom 325ten passato vnd 1ten dis . Bitt vnterdehnigst umb vergebung, das 4die vohrige post mein schuldichkeit nit hab 5abgelegt, die braut ist schuldich daran geweßen. Die 6hochzeit ist gahr woll abgangen. Gott geb, das mit 7den portugeßern balt etwas guts möge werden. 8Ewer Durchlaucht schreiben mihr in dero lezten schreiben, das sie wegen der 9reis nach Wien in zweifel stehn. Was wollen sie dan hier 10machen, wan sie dort solten wekh gehen, halt ich es vohr kein 11guettes zeichen vnd möchten sie woll an statt auf Wien 12den weg weiter nemmen. Die bewuste sach werden ewer Durchlaucht 13schon zue menagiren wißen wie es vonoten. Wegen des 14Berchtrambs vnd Seiler werd mit ihr Mayestät reden. Der 15Starenberg wirt mit meinem brudern wekh. Das ewer Durchlaucht 16das vnglükh der Erzherzogin dem knofloch zueschreiben, 17so hatts woll dismahl kein schuld dan sie woll 18gahr niks geßen, so ihr hette schaden können. Die schoken

19vnd vnlusten seindt schuldich daran geweßen, weiber geschwez, 20haben ihr weis nit was vohrgesagt. Es ist ein geschene 21sach, gott wirts hoffentlich ersezen, wan sie die 22cuhr ausbrauchen wirt. Weil der fasching iezt so naht, 23so hoff ich werden ewer Durchlaucht nit in vngnaden ver- 24merken, das mein brueder noch dieße wehnige dag 25sich aufhalte, er wirt darnach desto meher 26eilen. Ich due mich hermit in ewer Durchlaucht gnade 27vnterdehnigst befehlen vnd werde sterben 28ewer Durchlaucht 29getrewste vnd dienstwilligste 30dochter 31EMT 32Wien den 14 februarij 1685¹